IMIC – Industrial Maintenance Innovation Conference, mantentze industrialaren sektoreko lehen mailako informazio-erreferentzia izan da Bilbao Exhibition Centren asteko talks eta konferentzien agenda zabaldu duena.
Hitzorduak gaur inauguratu du laugarren edizioa eta bereziki nabarmendu beharrekoa da lehen mailako hizlariek izango duten parte-hartzea. Horien artean izango da Jay Lee (AEB), George Washington unibertsitateko ingeniaritza mekanikoko doktore entzutetsua eta egungo industria arloko pentsalari nagusietako bat. Jay Lee ekipo industrialetarako predikziozko mantentze-sistemen garapenaz arduratzen den kudeatzailea da. Kongresuan, gainera, lehen mailako enpresetako ordezkariek eskainiko dituzte hitzaldiak: Deuser, Eumetry, Mainnovation, Barbara IOT, Segula Technologies, Tecnalia, edo Cambridge Unibertsitatea, besteak beste.
Mantentze-lanen kudeaketarekin lotuta adimenak egindako ekarpena funtsezko elementua da eta gaur agerian geratu dira aurre hartzearen, eragingarritasunaren eta eraginkortasunaren printzipioek eskaintzen dituzten abantailak. Horregatik, errealitate bihurtu da arlo fisikoa eta birtuala lotzea; izan ere, industria aurreratuena ekipoen eta instalazioen mantentze-lanetan aplikatzen ari da dagoeneko.
Jardunaldi hauek sektorearteko harremanak sustatzeko topagunea dira eta honako hauek xehetasun osoz ezagutzeko aukera eskainiko dute: biki digitalak, negozio-eredu berriak, 5Garen aplikazioa mantentze-lanekin lotuta, mugikortasuna zerbitzu gisa (MaaS), areagotutako giza gaitasunak, autokonponketako eta automantentzeko sistemak, eta makinen sare sozialak autokontserbaziorako.
Iruzkin bat utzi